ಕಥೊಲಿಕ್ ಸಭಾ ಘಟಕಾಚೆಂ ಪಿಕ್ನಿಕ್

ಪೊಂಪೈ ಮಾಯೆಕ್ ಸಮರ್ಪಿಲ್ಲ್ಯಾ ಗುರ್ಪುರ್ ಫಿರ್ಗಜೆಂತ್ ಫೆಬ್ರೆರ್ ಮಹಿನ್ಯಾಚಾ 02 ತಾರಿಕೆರ್ ಕಥೊಲಿಕ್ ಸಭಾ ಘಟಕಾಚೆಂ ಪಿಕ್ನಿಕ್ ಮಡಿಕೇರಿಕ್ ಆಸಾ ಕೆಲ್ಲೆಂ. ಸೆವಾ, ತ್ಯಾಗ್, ಎಕ್ವಟ್ ಮ್ಹಳ್ಳ್ಯಾ ಧೇಯಾಖಾಲ್ ಎಕಾ ಮನಾನ್ 15 ಸಾಂದೆ ಹಾಜರ್ ಆಸ್'ಲ್ಲಿ. ಸಕಾಳಿಂಚಾ 5.00 ವ್ಹರಾರ್ ಇಗರ್ಜೆ ಲಾಗ್ಸಾರ್ ಸರ್ವಾಂ ಸಾಂಗಾತಾ ಮೆಳೊನ್ 5.15 ವ್ಹರಾರ್ ಪೊಂಪೈ ಮಾಯೆಚಿ ಸಾಸಯ್ ಮಾಗೊನ್ ಆಮ್ಚೆಂ ಪಯ್ಣ್ ಆಮಿ ಸುರ್ವಾತಿಲೆಂ. 7.00 ವ್ಹರಾರ್ ಸುಳ್ಯಾ ಲಾಗ್ಸರ್ ಏಕಾ ಹೋಟೆಲಾಂತ್ ಸಕಾಳಿಂಚೊ ಕಾಫಿ ಪಳ್ಹಾರ್ ಸೆವ್ನ್ 10.00 ವ್ಹರಾರ್ ರಾಜಾಸೀಟ್ ಉದ್ಯಾನವನ್ ಮಡಿಕೇರಿಕ್ ಪಾವ್ಲ್ಯಾ. ಥಂಯ್ಸರ್ ಸೊಭಿತ್ ಸುಂದರ್ ರಂಗಾಳ್ ಫುಲಾಚೆಂ ತೋಟ್ ಪಳೆವ್ನ್ ಸಂತೊಸ್ ಪಾವ್ಲ್ಯಾಂವ್. ಉಪ್ರಾಂತ್ ಸರ್ಕಾರಿ ವಸ್ತ್ ಸಂಗ್ರಹಾಲಯ್ (Government Museum) ಥಂಯ್ಸರ್ ವಸ್ತ್ ವಿಕ್ಷಣ್ ಕೆಲೆಂ. ಉಪ್ರಾಂತ್ ನಿಸರ್ಗಧಾಮಕ್ ಶಾಪಿಂಗ್ ಕರ್ನ್, ಕಾವೇರಿ ನಿಸರ್ಗಧಾಮಕ್ ಗೆಲ್ಯಾಂವ್. ಥಂಯ್ ಕೊಡವ ದಾದ್ಲೆಂ ಆನಿ ಸ್ತ್ರಿಯಾಂಚೊ ಸಾಂಪ್ರದಾಯಿಕ್ ನೃತ್ಯ್, ಬುಡಕಟ್ಟು ಜನಾಂಗಾಚಿ ಜೀವನ್ ಶೈಲಿ ಪಿಂತ್ರಾಯ್ಲಿ ಇಮಾಜ್ ಪಳೆವ್ನ್ ಆನಿ ಇತರ್ ವಿಕ್ಷಣ್ ಕರ್ನ್ ದನ್ಪರಾಂ 2.30 ವ್ಹರಾರ್ ಸರ್ವಾಂ ಸಾಂಗಾತಾ ಜೆವಾಣ್ ಸೆವ್ನ್ ಕುಶಾಲ್ ನಗರ್ ಟಿಬೇಟಿಯನ್ ಕಾಲೋನಿಂತ್ ಬುದ್ಧಿಸ್ತ್ ಲೊಕಾಚೆಂ ಬಂಗಾರಾಚೆ ದೆವಾಳ್ ಆನಿ ತಾಂಚೆ ಮಾಗ್ಣೆಂ ಕರ್ಚೆಂ ರೀತ್ ಪಳೆವ್ನ್ ಆಮ್ಚೆಂ ಪಯ್ಣ್ ಮುಂದಾರ್ಸಿಲೆಂ. ಉಪ್ರಾಂತ್ ಸಾಂತ್ ಸೆಬೆಸ್ಟಿನ್ ಇಗರ್ಜೆಕ್ ಪಾವ್ಲ್ಯಾಂವ್. ಥಂಯ್ಸರ್ ವಯ್ಯುಕ್ತಿಕ್ ಮಾಗ್ಣೆಂ ಕರ್ನ್ ಆಮಿ ಪಾಟಿಂ ಯೆಂವ್ಕ್ ಬಾಯ್ರ್ ಸರ್ಲ್ಯಾಂವ್. ಪಯ್ಣಾರ್ ಪೊಕಾಣಾಂ ಆನಿ ಜೋಕ್ಸ್ ಕರ್ನ್ ನಾಚೊನ್ ಆನಿ ಹಾಸೊನ್ ಆಮ್ಚೊಂ ಸಂತೊಸ್ ದೊಡ್ತೊ ಕೆಲ್ಲೊ. ಆಮ್ಮರಿ ಆನಿ ತೇರ್ಸ್ ಮ್ಹಣೊನ್ ಉಪ್ರಾಂತ್ ವಯ್ರ್ ವಯ್ರ್ ಝರಿಚ್ಯಾ ಮಾತ್ಯಾರ್ ಮ್ಹಳ್ಯಾ ಗೀತಾದ್ವಾರಿ ಪಿಕ್ನಿಕಾಂಕ್ ಹಾಜರ್ ಜಾಲ್ಲ್ಯಾ ಸರ್ವಾಂಚೊ ಉಪ್ಕಾರ್ ಭಾವುಡ್ಲೊ. ಪಯ್ಣ್ ಬರೆಂ ಜಾಲೆಂ ಮ್ಹಣ್ ಸರ್ವಾಂನಿ ಆಪ್ಲಿಂ ಅಭಿಪ್ರಾಯ್ ಉಚಾರ್ಲಿ. ರಾತಿಚ್ಯಾ 10.30 ವರಾಂಚೆರ್ ಆಮ್ಚ್ಯಾ ಗಾಂವಾಕ್ ಆಮಿ ಪಾಟಿ ಪಾವ್ಲ್ಯಾಂವ್.