ನತಲಾಂ ಫೆಸ್ತಾಚೊ ಸಂಭ್ರಮ್

ಶಾಂತಿಚೊ ಕುಂವಾರ್, ಮನ್ಶಾಕುಳಾಚೊ ಸೊಡ್ವಣ್ದಾರ್ ಜೆಜುಚೊ ಜಲ್ಮಾದೀಸ್ ದಸೆಂಬರ್ 24 ವೆರ್ ಸಾಂಜೆರ್ ವ್ಹಡಾ ದಬಾಜೆನ್ ಸಂಭ್ರಮ್ಲೊ. ಸಾಂಜೆರ್ 7 ವ್ಹರಾರ್ ದಿಯಾಕೊನ್ ಬಾಪ್ ವಿಕಾಸ್ ಪಿರೇರಾ ಹಾಂಚಾ ಮುಖೇಲ್ಪಣಾಖಾಲ್ ಗಾಯನ್ ಮಂಡಳಿಚ್ಯಾ ಸಾಂದ್ಯಾಂನಿ ಆನಿ ರೋಸಾಮಿಸ್ತಿಕಾ ನೊವಿಶಿಯೆಟ್ ಧರ್ಮ್ ಭಯ್ಣಿಂನಿ ಕ್ಯಾರಲ್ಸ್ ಗಾವ್ನ್ ಜೆಜು ಬಾಳ್ಕಾಕ್ ಉಲ್ಲಾಸುನ್ ನಮಾನ್ ಕೆಲೊ. ಉಪ್ರಾಂತ್ ಸಂಭ್ರಮಿಕ್ ಮಿಸಾಚೆ ಬಲಿದಾನ್ ಭೆಟಯ್ಲೆಂ. ಮಂಗಳಜ್ಯೋತಿ ಸಮಾಲೋಚನ್ ಕೇಂದ್ರಾಚೆ ನಿರ್ದೇಶಕ್ ಮಾ।ವಿಕ್ಟರ್ ಡಿಸೋಜಾ ಬಾಪಾಂನಿ ಪ್ರಧಾನ್ ಯಾಜಕ್ ಜಾವ್ನ್ “ನಿರಾಶಾ ಭರ್ಲೆಲ್ಯಾ ಸಂಸಾರಾಂತ್ ಜೆಜುಚ್ಯಾ ಜಲ್ಮಾ ವರ್ವಿಂ ಭರ್ವಶ್ಯಾ ಕಿರಣ್ ಪಾಂಕ್ಲಾಂ" ಮ್ಹಳ್ಳ್ಯಾ ಸಂದೇಶಖಾಲ್ ಮಿಸಾಚೆ ಬಲಿದಾನ್ ಭೆಟವ್ನ್ ಅರ್ಥಾಭರಿತ್ ಪ್ರಸಂಗ್ ದಿಂವ್ನ್ ನಿರಾಶೆನ್ ಭರ್ಲೆಲ್ಯಾಂಕ್, ಗರ್ಜೆವಂತಾಕ್ ಆಧಾರ್ ಜಾವ್ನ್ ತಾಂಚೆ ಥಂಯ್ ಜೆಜು ಬಾಳ್ಕಾಕ್ ದೆಖುಂಕ್ ಉಲೊ ದಿಲೊ. ಫಿರ್ಗಜ್ ವಿಗಾರ್ ಭೊ। ಮಾ।ರುಡೊಲ್ಫ್ ರವಿ ಡೆಸಾ, ಮಾ।ಬಾ। ದೊ. ಪಿಯುಸ್ ಫಿದೆಲಿಸ್ ಪಿಂಟೊ, ದಿಯಾಕೊನ್ ಬಾಪ್ ವಿಕಾಸ್ ಪಿರೇರಾ ಹಾಣಿಂ ಸಹ ಭೆಟವ್ಣಿ ಕೆಲಿ. ಕ್ರಿಸ್ಮಸ್ ಸಂಭ್ರಮ್ ದಬಾಜೆನ್ ಸಂಭ್ರಮುಕ್ ಸಹಕಾರ್ ದಿಲ್ಲ್ಯಾ ಸರ್ವಾಂಚೊ ವಿಗಾರ್ ಬಾಪಾಂನಿ ಉಪ್ಕಾರ್ ಭಾವುಡ್ಲೊ. ಮುಡ್ದೊಮ್'ಗಾರಾಂಕ್ ವಾತಿ ದೀಂವ್ನ್ ಮಾನ್ ಕೆಲೊ. ಜೆಜು ಬಾಳ್ಕಾಚೊ ಸರ್ವಾಂನಿ ಉಮೊ ಘೆವ್ನ್ ಮಾನ್ ಕೆಲೊ. ಮಾನೆಸ್ತ್ ರೊಯ್ಲಿನ್ ಲೋಬೊನ್ ದೇವ್-ಸ್ತುತೆಚೆ ನಿರ್ವಾಹಣ್ ಕೆಲೆಂ. ಹಾಜರ್ ಆಸ್'ಲ್ಲ್ಯಾ ಸರ್ವಾಂಕ್ ಕೇಕ್ ಆನಿ ಫೀವನ್ ವಾಂಟ್ಲೆಂ. ಮಿಸಾ ಉಪ್ರಾಂತ್ ಪಿ.ವೈ.ಸಿ ಥಾವ್ನ್ ಕ್ರಿಸ್ಮಸ್ ನೈಟ್ ಮಟ್ವೆಂ ಕಾರ್ಯೆಂ ಸಾದರ್ ಜಾಲೆಂ. ಶ್ರೀ. ದೀಪಕ್ ಡಿಸೋಜ ಹಾಣೆಂ ತಸ್ವಿರ್ಯೊ ಕಾಡ್ನ್ ಸಹಕರಿಸಲೆ.