ಭಾಷಣ್ ಸ್ಪರ್ಧೊ - 2024
ಪೊಂಪೈ ಮಾಯೆಚಿ ಫಿರ್ಗಜ್ ಗುರ್ಪುರ್ ಕೈಕಂಬ ಘಟಕ್ ಹಂತಾರ್ ದಸೆಂಬರ್ ಮಹಿನ್ಯಾಚಾ 1 ತಾರಿಕೆರ್ ದನ್ಪರಾಂ 3 ವ್ಹರಾರ್ ಕಥೊಲಿಕ್ ಸಭೆನ್ ಭುರ್ಗ್ಯಾಂಕ್ ಭಾಷಣ್ ಸ್ಪರ್ಧೊ ಶತಾಬ್ಧಿ ಸ್ಮರಾಕ್ ಭವನಾಂತ್ ಚಲವ್ನ್ ವ್ಹೆಲೊ. ಆತ್ಮೀಕ್ ನಿರ್ದೇಶಕ್ ತಶೆಂಚ್ ಫಿರ್ಗಜ್ ವಿಗಾರ್ ಭೋ|ಮಾ|ಬಾ| ರುಡೋಲ್ಫ್ ರವಿ ಡೆಸಾ, ಫಿರ್ಗಜ್ ಗೊವ್ಳಿಕ್ ಪರಿಷದೆಚೊ ಕಾರ್ಯದರ್ಶಿ ಶ್ರೀಮಾನ್ ಜೋನ್ಸನ್ ಲೋಬೊ, ಆಯೋಗ್ ಸಂಯೋಜಕಿ ಶ್ರೀಮತಿ ಹಿಲ್ಡಾ ಮಿನೇಜಸ್, ಪೊಂಪೈ ಕೊವೆತಾಚಿಂ ಧರ್ಮ್ ಭಯ್ಣ್ ಸಿ.ಜಯಾ, ಘಟಕಾಚೊ ಅಧ್ಯಕ್ಷ್ ಶ್ರೀಮಾನ್ ಗ್ಲೇನ್ ರೋಶನ್ ಡಿಕುನ್ಹಾ, ಕಾರ್ಯದರ್ಶಿ ಶ್ರೀಮಾನ್ ಮೆಲ್ವಿನ್ ಡಿಸೋಜ, ವಾರಾಡ್ಯಾ ಥಾವ್ನ್ ವರಯ್ಣಾರ್ ಜಾವ್ನ್ ಹಾಜರ್ ಜಾಲ್ಲಿಂ, ಶ್ರೀಮತಿ ಫಿಲೋಮಿನಾ ಫೆರ್ನಾಂಡಿಸ್ ಆನಿ ಶ್ರೀಮಾನ್ ಡಾ. ಶಾರೊನ್ ಮೆಂಡೊನ್ಸಾ ವೆದಿರ್ ಹಾಜರ್ ಆಸ್'ಲ್ಲಿಂ. ಪವಿತ್ರ್ ಆತ್ಮ್ಯಾಚಾ ಗೀತಾ ದ್ವಾರಿಂ ಭಾಷಣ್ ಸ್ಪರ್ಧೊ ಆರಂಭ್ ಕೆಲೊ. ಘಟಕ್ ಅಧ್ಯಕ್ಷ್ ಶ್ರೀಮಾನ್ ಗ್ಲೇನ್ ರೋಶನ್ ಡಿಕುನ್ಹಾ ಹಾಣೆಂ ಜಾಮ್ಲೆಲ್ಯಾ ಸರ್ವಾಂಕ್ ಬರೊ ಯೆವ್ಕಾರ್ ಮಾಗ್ಲೊ. ದಿವೊ ಪೆಟೊಂವ್ಚ್ಯಾ ಮಾರಿಫಾತ್ ಕಾರ್ಯಾಚೆಂ ಸುರ್ವಾತ್ ಕೆಲೆಂ. ವಿಗಾರ್ ಬಾಪಾನಿಂ ಭುರ್ಗ್ಯಾಂಕ್ ಉದ್ದೇಶಿಸುನ್ ಅರ್ಪುಬಾಯೆಚೊ ಸಂದೇಶ್ ದಿಲೊ. ಒಟ್ಟುಕ್ 18 ಭುರ್ಗ್ಯಾಂನಿಂ ಸ್ಪರ್ಧ್ಯಾಂತ್ ಭಾಗ್ ಘೆತ್ಲೊ. ವರಯ್ಣಾರಾನಿಂ ಆಪ್ಲೊ ಸಂದೇಶ್ ಭುರ್ಗ್ಯಾಂ ಥಂಯ್ ವಾಂಟುನ್ ಘೆತ್ಲೊ. ಘಟಕ್ ಕಾರ್ಯದರ್ಶಿ ಶ್ರೀಮಾನ್ ಮೆಲ್ವಿನ್ ಡಿಸೋಜನ್ ಸರ್ವಾಯ್ ರಿತಿನ್ ಸಹಕಾರ್ ದಿಲ್ಲ್ಯಾಂಚೊ ಉಪ್ಕಾರ್ ಭಾವುಡ್ಲೊ. ಕುಮಾರಿ ಟೀನಾ ಡಿಕುನ್ಹಾನ್ ಭೋವ್ ಅರ್ಪುಬಾಯೆನ್ ಕಾರ್ಯನಿರ್ವಹಣ್ ಕೆಲೆಂ. ಶ್ರೀಮತಿ ಪ್ರವೀಣಾ ಡಿಸಿಲ್ವಾ, ಶ್ರೀಮತಿ ಡೆಲ್ಸಿ ರೊಡ್ರಿಗಸ್, ಶ್ರೀಮಾನ್ ಸಿಲ್ವೆಸ್ಟರ್ ಮೊಂತೇರೊ ಹಾಣಿಂ ಭಾಷಣ್ ಸ್ಪರ್ಧ್ಯಾಂಕ್ ಮಾಂಡಾವಳ್ ಕರುಂಕ್ ತಶೆಂಚ್ ಶ್ರೀಮತಿ ಶಾಂತಿ ಕುವೆಲ್ಲೊ ಹಿಣೆಂ ತಸ್ವಿರ್ಯೊ ಕಾಡ್ನ್ ಸಹಕಾರ್ ದಿಲೊ. ವರಯ್ಣಾರ್ ಡಾ. ಶಾರೊನ್ ಮೆಂಡೊನ್ಸಾ ಹಾಣೆಂ ಭುರ್ಗ್ಯಾಂಚೆಂ ಫಲಿತಾಂಶ್ ಸಾಂಗ್ಲೆಂ. ಥಂಡ್ ಪಿವನಾಂ ಸಂಗಿಂ ಭಾಷಣ್ ಸ್ಪರ್ಧ್ಯಾಂಚೆಂ ಕಾರ್ಯೆಂ ಸಂಪಯ್ಲೆಂ.
ಭಾಷಣ್ ಸ್ಪರ್ಧ್ಯಾಂಚೆ೦ ಫಲಿತಾಂಶ್
ದುಸ್ರಿ ಕ್ಲಾಸ್ ಪರ್ಯಾಂತ್:
- ವರ್ಲಿನ್ ಪಿಂಟೊ
- ಕೀತ್ ರೊಡ್ರಿಗಸ್
ತಿಸ್ರಿ ಕ್ಲಾಸ್ ಥಾವ್ನ್ ಚೊವ್ತಿ ಕ್ಲಾಸ್ ಪರ್ಯಾಂತ್:
- ವೆನೆಸ್ಸಾ ಅನ್ಯ ಫೆರ್ನಾಂಡಿಸ್
- ಇವನ್ ಸಲ್ಡಾನ್ಹಾ
- ಜೋಶಾಲ್ ಡಿಸೋಜ
ಪಾಂಚ್ವಿ ಕ್ಲಾಸ್ ಥಾವ್ನ್ ಸಾತ್ವಿ ಕ್ಲಾಸ್ ಪರ್ಯಾಂತ್:
- ಸಿಯೋನ್ ವಿನ್ಸ್'ಟನ್ ಡಿಅಲ್ಮೇಡಾ
- ಜೆಸ್ಸಿಕಾ ರೂತ್ ಡಿಸೋಜ
- ಸಿಯಾನಾ ಸಲ್ಡಾನ್ಹಾ ಆನಿ ಓಶಿನ್ ಫೆರ್ನಾಂಡಿಸ್
ಆಟ್ವಿ ಕ್ಲಾಸ್ ಥಾವ್ನ್ ಧಾವಿ ಕ್ಲಾಸ್ ಪರ್ಯಾಂತ್:
- ಜೂನಿಯ ಕರೆನ್ ಫೆರ್ನಾಂಡಿಸ್
ಭಾಗ್ ಘೆತ್ ಲ್ಲ್ಯಾ ಸರ್ವ್ ಭುರ್ಗ್ಯಾಂಕ್ ಅಭಿನಂದನ್ ಪಾಟಯ್ತಾಂ, ತಶೆಂಚ್ ಪ್ರೋತ್ಸಾಹ್ ದಿಲ್ಲ್ಯಾ ಸರ್ವ್ ವ್ಹಡಿಲ್ಹಾಂಕ್ ದೇವ್ ಬರೆಂ ಕರುಂ.