ಪಾಪಾಲ್ ಬಾವ್ಟೊ ಉಬಾರ್ಚೆ ಕಾರ್ಯೆಂ - 2024

ಅಕ್ಟೋಬರ್ ಮಹಿನ್ಯಾಚಾ 27 ತಾರಿಕೆರ್ ಆಯ್ತಾರಾ ಸಕಾಳಿಂ 7.30 ವ್ಹರಾರ್ ಭೊIಮಾIಬಾ ರುಡೋಲ್ಫ್ ರವಿ ಡೆಸಾ ಹಾಣಿಂ ಪ್ರಧಾನ್ ಯಾಜಕ್ ಜಾವ್ನ್ ಪವಿತ್ರ್ ಮಿಸಾಚೆ ಬಲಿದಾನ್ ಭೆಟಯ್ಲೆಂ. ದಿಯೊಕಾನ್ ಬಾಪ್‌ ವಿಕಾಸ್ ಪಿರೇರಾ‌ ಹಾಣಿಂ ಮದರ್ ತೆರೆಸಾ ಪರಿಂ ತಿಣೆಂ ತಿಚ್ಯಾ ಜಿಣ್ಯೆಂತ್ ಮಾಗ್ಣ್ಯಾಂತ್ ಜೆಜುಕ್ ಪಳೆವ್ನ್ ಹೆರಾಂ ಥಂಯ್ ಜೆಜುಕ್ ದೆಖ್ಲೆಂ. ಆಮಿಯಿಂ ಸಂಸಾರಿ ವಸ್ತು ಪಯ್ಸ್ ದವರ್ನ್, ಮಾಗ್ಣ್ಯಾಕ್ ಚಡಿತ್ ಗಮನ್ ದೀವ್ನ್ ಆಮ್ಚ್ಯಾ ಕುಟ್ಮಾಂತ್ ವಾ ವಯ್ಯುಕ್ತಿಕ್ ಮಾಗ್ಣೆಂ ಮ್ಹಣ್ತಾಸ್ತಾನಾ ಆಂತರಿಕ್ ದೃಷ್ಟೆ ಮುಖಾಂತ್ರ್ ಜೆಜುಕ್ ಪಳೆವ್ನ್ ಹೆರಾಂಚಾ ಗರ್ಜಾಂಕ್ ಪಾವಾಜಯ್ ಮ್ಹಣ್ ಭೋವ್ ಅರ್ಥಭರಿತ್ ರಿತಿನ್ ಪ್ರವಚನ್ ದಿಲೆಂ. ಮಿಸಾ ಉಪ್ರಾಂತ್ ಫಿರ್ಗಜ್ ಫೆಸ್ತಾಕ್ ಸುರ್ವಾತ್ ಜಾವ್ನ್ ಪಾಪಾಲ್ ಬಾವ್ಟೊ ಉಬಾರ್ಚೆ ಕಾರ್ಯೆಂ ಇಗರ್ಜೆಚಾ ಮೈದಾನಾರ್ ಚಲವ್ನ್ ವ್ಹೆಲೆಂ. ಫಿರ್ಗಜ್ ವಿಗಾರ್ ಭೋವ್ ಮಾIಬಾI ರುಡೊಲ್ಫ್ ರವಿ ಡೆಸಾ, ದಿಯೊಕಾನ್ ಬಾಪ್ ವಿಕಾಸ್ ಪಿರೇರಾ, ಫಿರ್ಗಜ್ ಗೊವ್ಳಿಕ್ ಪರಿಷಧ್ ಉಪಾಧ್ಯಕ್ಷ್ ಶ್ರೀಮಾನ್ ರೋಮನ್ಸ್ ಲೋಬೊ, ಕಾರ್ಯದರ್ಶಿ ಶ್ರೀಮಾನ್ ಜೊನ್ಸನ್ ಲೋಬೊ, ಆಯೋಗ್ ಸಂಯೋಜಕಿ ಶ್ರೀಮತಿ ಹಿಲ್ಡಾ ಮಿನೇಜಸ್ ಆನಿ ವಾಡ್ಯಾಂಚೆ ಗುರ್ಕಾರ್ ಹಾಜರ್ ಆಸ್ಲಿಂ. ಫಿ.ಗೊ.ಪ ಉಪಾಧ್ಯಕ್ಷ್ ಶ್ರೀಮಾನ್ ರೋಮನ್ಸ್ ಲೋಬೊ ಹಾಣಿಂ ಜಮ್ಲೆಲ್ಯಾಂಕ್ ಸ್ವಾಗತ್ ಮಾಗ್ಲೊಂ ಆನಿ ಪಾಪಾಲ್ ಬಾವ್ಟೊ ಹಾಚೆ ಮಹತ್ವಾ ವಿಷ್ಯಾಂತ್ ತಿಳ್ಸಿಲೆಂ. ಉಪ್ರಾಂತ್ ಫಿರ್ಗಜ್ ವಿಗಾರ್ ಭೋವ್ ಮಾIಬಾI ರುಡೋಲ್ಫ್ ರವಿ ಡೆಸಾ ಹಾಣಿಂ ಪಾಪಾಲ್ ಬಾವ್ಟೊ ಉಬಾರ್ಚೆ ಮುಕಾಂತ್ರ್ ಫಿರ್ಗಜ್ ಫೆಸ್ತಾಚ್ಯಾ ತಯಾರಾಯೆಕ್ ಸುರ್ವಾತ್ ಕೆಲಿ. ದಿಯೊಕಾನ್ ಬಾಪ್, ಫಿ.ಗೊ.ಪ ಉಪಾಧ್ಯಕ್ಷ್, ಕಾರ್ಯದರ್ಶಿ ಆಯೋಗ್ ಸಂಯೋಜಕಿ ಆನಿ ವಾಡ್ಯಾಚಾ ಗುರ್ಕಾರಾಂನಿ ಸಾಂಗಾತ್ ದಿಲೊ. ವಿಗಾರ್ ಬಾಪಾಂನಿ ಪೊಂಪೈ ಮಾಯೆಚಾ ಮಾನಾಕ್ ಮಾಗ್ಣೆಂ ಭೆಟವ್ನ್ ಸರ್ವಾಂಕ್ ದೆವಾಚೊ ಆಶೀರ್ವಾದ್ ಮಾಗ್ಲೊಂ ಆನಿ ಫೆಸ್ತಾಕ್ ತಯಾರಾಯ್ ಜಾವ್ನ್ ಪೊಂಪೈ ಮಾಯೆಚ್ಯಾ ನೊವೆನಾಕ್ ಫಿರ್ಗಜ್'ಗಾರಾಂನಿ ವ್ಹಡಾ ಸಂಖ್ಯಾನ್‌ ಹಾಜರ್ ಜಾವ್ನ್ ಸಹಕಾರ್ ದೀಜೈ ಮ್ಹಣ್ ಉಲೊ ದಿಲೊ. ಪೊಂಪೈ ಮಾಯೆಚಾ ಗೀತಾ ಸವೆಂ ಕಾರ್ಯೆಂ ಸಂಪೈಲೆ. ಗುರ್ಪುರ್ ವಾಡ್ಯಾಚಾ ಮಾನೇಸ್ತ್ ಜೋನ್ ಬಿ ಸಲ್ಡಾನಾ ಹಾಂಚಾ ಜಲ್ಮಾಚಾ ವಜ್ರೋತ್ಸವಾಕ್ ವಿಗಾರ್ ಬಾಪಾಂನಿ ಉಲ್ಲಾಸ್ ಪಾಟೈಲೊ. ಉಪ್ರಾಂತ್ ಜೋನ್ ಬಿ ಸಲ್ಡಾನಾ ಹಾಣಿಂ ಜಮ್ಲೆಲ್ಯಾಂ ಸರ್ವಾಂಕ್ ಕಾಫಿ ಫ್ಹಳಾರ್ ದೀವ್ನ್ ಧಾದೊಶಿ ಕೆಲೆಂ. ಲಗ್ಬಕ್‌ 600 ಫಿರ್ಗಜ್‌'ಗಾರಾಂ ಹಾಜರ್ ಆಸ್ಲಿಂ. ಪಿ.ವೈ ಸಿ ಸಾಂದೊ ಶೋನ್ ಫೆರ್ನಾಂಡಿಸ್ ಹಾಣೆಂ ತಸ್ವೀರ್ ಕಾಡ್ನ್ ಸಹಕರ್ಸಿಲೆಂ.