ಪಿ.ಸಿ.ಎಲ್. - ಸೀಜನ್ 3 (ಪೊಂಪೈ ಕ್ರಿಕೆಟ್ ಲೀಗ್ 2024)

ಪೊಂಪೈ ಯಂಗ್ಸ್ಟರ್ಸ್ ಕ್ಲಬ್ (ಐ.ಸಿ.ವೈ.ಎಮ್) ಗುರ್ಪುರ್ ಘಟಕ್ ಆನಿ ಯುವಜಣಾಂಚೊ ಆಯೋಗ್ ಹಾಣಿಂ ರೋಸಾ ಮಿಸ್ತಿಕಾ ಇಸ್ಕೊಲಾಚಾ ಖೆಳಾ ಮೈದಾನಾರ್ ಚಲವ್ನ್ ವೆಲ್ಲ್ಯಾ ಪಿ.ಸಿ.ಎಲ್. ಸೀಜನ್ 3 (ಪೊಂಪೈ ಕ್ರಿಕೆಟ್ ಲೀಗ್ 2024) - 5 ಪಂಗ್ಡಾಚಾ ಕ್ರಿಕೆಟ್ ಟೂರ್ನಮೆಂಟಾಂತ್ ROYAL TITANS ಪಂಗಡ್ ಚಾಂಪಿಯನ್ ಜಾವ್ನ್ ಪಯ್ಲೆಂ ಸ್ಥಾನ್, ಆನಿ ASTEROID AMIGOS ಪಂಗಡ್ ರನ್ನರ್ಸ್ ಜಾವ್ನ್ ದುಸ್ರೆಂ ಸ್ಥಾನ್ ಆಪ್ಣಾಯಿಲಾಂ‌. ದುಸ್ರೆಂ ರನ್ನರ್ಸ್ ಜಾವ್ನ್ JMJ Cricketers ಪಂಗಡ್ ಆಪ್ಣಾಯಿಲಾಂ‌.

ಹ್ಯಾ ಟುರ್ನಾಮೆಂಟಾಚೆ ಪ್ರಶಸ್ತಿ ವಿತರಣ್ ಕಾರ್ಯ್ಯಾಚೆ ಅಧ್ಯಕ್ಷ್ ಜಾವ್ನ್ ಫಿರ್ಗಜ್ ವಿಗಾರ್ ಆನಿ ಪಿ.ವೈ.ಸಿ. - ಐ.ಸಿ.ವೈ.ಎಮ್ ದಿರೆಕ್ತೊರ್, ಪೆಜಾರ್ ವಾರಾಡೊ ವಿಗಾರ್ ವಾರ್ ಭೊ|ಮಾ|ಬಾ| ರುಡೋಲ್ಫ್ ರವಿ ಡೆಸಾ, ಮುಖೆಲ್ ಸಯ್ರೆ ಜಾವ್ನ್ ಮಂಗ್ಳುರ್ ದಿಯೆಸೆಜ್ ಐಸಿವೈಎಮ್ ಕೇಂದ್ರೀಯ ಸಮಿತಿಚೆ ದಿರೆಕ್ತೊರ್ ಮಾ.ಬಾ. ಆಶ್ವಿನ್ ಲೋಹಿತ್ ಕಾರ್ಡೊಜಾ, ದಿಯೊಕಾನ್ ಬಾಪ್ ವಿಕಾಸ್ ಪಿರೇರಾ, ಐ.ಸಿವೈ.ಎಮ್ ಕೇಂದ್ರೀಯ ಸಮಿತಿಚೆ ಅಧ್ಯಕ್ಷ್ ವಿನ್ಸ್ ಟನ್ ಸಿಕ್ವೇರಾ ಫಿ‌‌.ಗೊ.ಪ ಕಾರ್ಯದರ್ಶಿ ಶ್ರೀಮಾನ್ ಜೊನ್ಸನ್ ಲೋಬೊ, ಆಯೋಗಾಂಚಿ ಸಂಯೋಜಕಿ ಶ್ರೀಮತಿ ಹಿಲ್ಡಾ ಮಿನೇಜಸ್, ಪಿ.ವೈ.ಸಿ ಸಚೇತಕ್ ಆನಿ ಯುವಜಣಾಂಚೊ ಆಯೋಗ್ ಕಾರ್ಯದರ್ಶಿ ಶ್ರೀಮಾನ್ ಗೊಡ್ವಿನ್ ತಾವ್ರೊ ವೆದಿಚೆರ್ ಉಪಸ್ಥಿತ್ ಆಸ್ ಲ್ಲಿ.

ಪಿ.ವೈ.ಸಿ ಐ.ಸಿ.ವೈ.ಎಮ್ ಲಿತುರ್ಜಿ ಕಾರ್ಯದರ್ಶಿ ವೆನಿಶಾ ಸಲ್ಡಾನಾ ಹಾಣಿಂ ಮಾನಾಂಚಾ ಸಯ್ರ್ಯಾಂಕ್ ಆನಿ ಜಮ್ಲೆಲ್ಯಾಂ ಸರ್ವಾಂಕ್ ಸ್ವಾಗತ್ ಕೆಲೆಂ.ವಿಗಾರ್ ಬಾಪಾಂನಿ ಪಿ.ಸಿ.ಎಲ್. 2024 ಸೀಜನ್-3 ಕ್ರಿಕೆಟ್ ಟೂರ್ನಾಮೆಂಟ್ ಭೋವ್ ಅಪುರ್ಬಾಯೆನ್ ಚಲವ್ನ್ ವರ್ನ್ ಯಶಸ್ವಿ ಜಾಂವ್ಕ್ ಕಾರಣ್ ಜಾಲ್ಲ್ಯಾ ಪಿ.ವೈ.ಸಿ ಐಸಿವೈಎಮ್ ಅಧ್ಯಕ್ಷ್ ಲೆಸ್ಟರ್ ಮಿನೇಜಸ್ ಆನಿ ಪಿ.ಸಿ.ಎಲ್ ಸಮಿತಿಕ್ ಆನಿ ಪಿ.ವೈ.ಸಿ ಐಸಿವೈಎಮ್ ಸರ್ವ್ ಸಾಂದ್ಯಾಕ್ ಹೊಗ್ಳಿಕ್ ಉಚಾರ್ನ್ ಅಭಿನಂದನ್ ಪಾಠಯಿಲೆಂ.

ಉಪ್ರಾಂತ್ ವೆದಿಚೆರ್ ಉಪಸ್ಥಿತ್ ಆಸ್ಲ್ಯಾ ಮಾನಾಂಚಾ ಸಯ್ರ್ಯಾಂನಿ ವಿಜೇತಾಂಕ್ ಪ್ರಶಸ್ತಿ ವಿತರಣ್ ಕೆಲೆಂ. ವೆನಿಶಾ ಸಲ್ಡಾನಾ ಹಾಣಿಂ ವಿಜೇತಾಂಚಿ ನಾಂವಾ ವಾಚುನ್ ಸಾಂಗ್ಲಿ.

ಪಿ.ಸಿ.ಎಲ್ 2024 ಸೀಜನ್-3 ವಿಜೇತ್ ಪಂಗಡ್ ಹ್ಯಾ‌ ಪರಿಂ:

Winners - Royal Titans

Owner's Name - Emiliyan Fernandes

Co-Owners Name - Robert Monteiro

Captain - Austin Pinto

Runners - Asteriod Amigos

Owner's Name - Joel Fernandes

Co-Owners- Roshan Misquth and Jovin Peris

Captain - Roylin Lobo

2nd Runners - JMJ Cricketers

Owner's Name - Naveen D'Souza

Co-Owners Name - James D'Souza and Praveen Lobo

Captain - Kristen Pinto

ಪಿ.ವೈ.ಸಿ. - ಐಸಿವೈಎಮ್ ಅಧ್ಯಕ್ಷ್ ಲೆಸ್ಟರ್ ಮಿನೇಜಸ್, ಕಾರ್ಯದರ್ಶಿ ಪ್ರೀಮಾ ಮಿನೇಜಸ್, ಖೆಳಾ ಕಾರ್ಯದರ್ಶಿ ಆಗೊಸ್ತಿನ್ ಮಿನೇಜಸ್, ಪಿ.ಸಿ.ಎಲ್ ಸಂಯೋಜಕ್ ದೀಪಕ್ ಡಿಸೋಜ ಆನಿ ಕ್ರಿಸ್ಟನ್ ಫೆರ್ನಾಂಡಿಸ್, ಪಿ.ವೈ.ಸಿ ಐಸಿವೈಎಮ್ ಸಚೇತಕ್ ಶ್ರೀಮಾನ್ ಗೊಡ್ವಿನ್ ತಾವ್ರೊ,ಆನಿ ಪಿ.ಸಿ.ಎಲ್ ಸಮಿತಿ ಆನಿ ಪಿವೈಸಿ ಐಸಿವೈಎಮಚಾ ಸರ್ವ್ ಸಾಂದ್ಯಾಚಾ, ಪಿ.ವೈಸಿ ಗೌರವ್ ಸಾಂದ್ಯಾಚಾ ಆನಿ ಉದಾರ್ ಮನಾಂಚಾ ದಾನಿಂಚಾ ಸಹಾಕರಾನ್ ಪಿಸಿಎಲ್ ಸೀಜನ್ 2024 ಯಶಸ್ವಿ ಜಾಲೆಂ. ಮಂಗ್ಳುರ್ ದಿಯೆಸೆಜ್ ಐಸಿವೈಎಮ್ ಕೇಂದ್ರೀಯ ಸಮಿತಿಚೆ ಉಪಾಧ್ಯಕ್ಷ್ ರಿಯಾನಾ ಡಿಕುನ್ಹಾ, ಖಜಾನ್ದಾರ್ ರೀನಾ ಕ್ರಾಸ್ತಾ, ಐಸಿವೈಎಮ್ ಪೆಜಾರ್ ವಾರಾಡೊಅಧ್ಯಕ್ಷ್ ಜೊಸ್ವಿಟಾ ಡಿಸೋಜ, ಉಪಾಧ್ಯಕ್ಷ್ ಎಲ್ಡಾನ್ ನೊರೊನ್ಹಾ, ಐಸಿವೈಎಮ್ ಪೆರ್ಮುದೆ ಘಟಕ್ ಕಾರ್ಯದರ್ಶಿ ಮ್ಯಾಕ್ಲಿನ್ ಫೆರ್ನಾಂಡಿಸ್ ಹಾಜರ್ ಆಸ್ ಲ್ಲಿಂ. ವೆನಿಶಾ ಸಲ್ಡಾನ್ಹಾ ಹಾಣಿಂ ಭೋವ್ ಅಪುರ್ಬಾಯೆನ್ ಕಾರ್ಯೆಂ ನಿರ್ವಾಹಣ್ ಚಲವ್ನ್ ವ್ಹೆಲೆಂ. ಸಗ್ಳೆಂ ಕಾರ್ಯ್ಯಾಚಿ ಛಾಯಾಗ್ರಹಣ್ ಆನಿ ವಿಡಿಯೋ ಗ್ರಾಫಿ ಪಿ.ವೈ.ಸಿ, ಐಸಿವೈಎಮ್ ಸಾಂದೆ ಶೋನ್ ಫೆರ್ನಾಂಡಿಸ್ ಇನಿ ರೋಯ್ಸ್ಟನ್ ಡಿಕುನ್ಹಾ ಹಾಣಿಂ ಭೋವ್ ಅಪುರ್ಬಾಯೆನ್ ಕೆಲೆಂ.