ಸಾಂತಾಚಿ ಜಿಣಿ ಸಾದರ್
'ಸಾಂತಾಚಿ ಜಿಣಿ ಸಾದರ್' ವಾಡ್ಯಾವಾರ್ ಧಾರ್ಮಿಕ್ ಸ್ಪರ್ಧೊ'
ಪೊಂಪೈ ಯಂಗ್ ಸ್ಟರ್ಸ್ ಕ್ಲಬ್ ಐ.ಸಿ.ವೈ.ಎಮ್ ಗುರ್ಪುರ್ ಘಟಕ್ ಆನಿ ಯುವಜಣಾಂಚೊ ಆಯೋಗಾನ್ ಅಕ್ಟೋಬರ್ ಮಹಿನ್ಯಾಚಾ 20 ತಾರಿಕೆರ್ ಆಯ್ತಾರಾ ಸಾಂಜೆರ್ 3.00 ವೊರಾರ್ "ಸಾಂಗಾತಾ ಮೆಳ್ಯಾಂ ಎಕ್ವಟ್ ಬಳಾದಿಕ್ ಕರ್ಯಾಂ" ಮ್ಹಳ್ಳ್ಯಾ ಧ್ಯೇಯಾಖಾಲ್ ಪೊಂಪೈ ಸಭಾ ಭವನಾಂತ್ ಫಿರ್ಗಜ್ಗಾರಾಂಕ್ ವಾಡ್ಯಾವಾರ್ 'ಸಾಂತಾಚಿ ಜಿಣಿ ಸಾದರ್' ಸ್ಪರ್ಧೊ ಮಾಂಡುನ್ ಹಾಡ್ಲೊ.ಪಿ.ವೈ.ಸಿ / ಐ.ಸಿ.ವೈ.ಎಮ್ ಸಾಂದ್ಯಾನಿ ಪ್ರಾರ್ಥನಾ ಗೀತಾ ಸವೆಂ ವೆದಿ ಕಾರ್ಯ್ಯಾಕ್ ಚಾಲನ್ ದಿಲೆಂ.ವೆದಿಚೆರ್ ಕಾರ್ಯ್ಯಾಚೆಂ ಅಧ್ಯಕ್ಷ್ ಜಾವ್ನ್ ಫಿರ್ಗಜ್ ವಿಗಾರ್ ಆನಿ ಪಿ.ವೈ.ಸಿ ದಿರೆಕ್ತೊರ್ ಭೊI ಮಾI ಬಾl ರುಡೋಲ್ಫ್ ರವಿ ಡೆಸಾ, ಮುಖೆಲ್ ಸಯ್ರೊಂ ಆನಿ ವರಾಯ್ಣಾರ್ ಜಾವ್ನ್ ಪೆಜಾರ್ ವಾರಾಡೊ ಐ.ಸಿ.ವೈ.ಎಮ್ ದಿರೆಕ್ತೊರ್ ಆನಿ ಸಹಯಾಕ್ ವಿಗಾರ್ ಮಾIಬಾI ವಿವಿಯನ್ ರೊಡ್ರಿಗಸ್ ಸಾಂ.ಜುಜೆ ಫಿರ್ಗಜ್ ಬಜ್ಪೆ, ಮಾನಾಂಚಾ ಸಯ್ರೆಂ ಆನಿ ವರಯ್ಣಾರ್ ಜಾವ್ನ್ ಮಾIಬಾI ಸ್ಟೇನಿ ಪಿಂಟೊ ವಿಗಾರ್ ಪವಿತ್ರ್ ಅತ್ಮ್ಯಾಕ್ ಸರ್ಮಪಿಲ್ಲಿ ಫಿರ್ಗಜ್ ಮುಕ್ಕಾ, ದಿಯೊಕಾನ್ ಬಾಪ್ ವಿಕಾಸ್ ಪಿರೇರಾ, ಫಿರ್ಗಜ್ ಗೊವ್ಳಿಕ್ ಪರಿಷಧ್ ಉಪಾಧ್ಯಕ್ಷ್ ಶ್ರೀಮಾನ್ ರೋಮನ್ಸ್ ಲೋಬೊ, ಕಾರ್ಯದರ್ಶಿ ಶ್ರೀಮಾನ್ ಜೊನ್ಸನ್ ಲೋಬೊ, ಆಯೋಗ್ ಸಂಯೋಜಕಿ ಶ್ರೀಮತಿ ಹಿಲ್ಡಾ ಮಿನೇಜಸ್, ಪಿ.ವೈ.ಸಿ / ಐ.ಸಿ.ವೈ.ಎಮ್ ಸಚೇತಕ್ ಆನಿ ಯುವಜಣ್ ಆಯೋಗ್ ಕಾರ್ಯದರ್ಶಿ ಶ್ರೀಮಾನ್ ಗೊಡ್ವಿನ್ ತಾವ್ರೊ, ಪಿ.ವೈ.ಸಿ / ಐ.ಸಿ.ವೈ.ಎಮ್ ಅಧ್ಯಕ್ಷ್ ಲೆಸ್ಟರ್ ಮಿನೇಜಸ್, ಕಾರ್ಯದರ್ಶಿ ಪ್ರೀಮಾ ಮಿನೇಜಸ್, ಸಾಂಸ್ಕೃತಿಕ್ ಕಾರ್ಯದರ್ಶಿ ವಿಯೋಲ ಮೊರಾಸ್ ವೆದಿಚೆರ್ ಉಪಸ್ಥಿತ್ ಆಸ್'ಲ್ಲಿಂ. ಪಿ.ವೈ.ಸಿ ಅಧ್ಯಕ್ಷ್ ಲೆಸ್ಟರ್ ಮಿನೇಜಸ್ ಹಾಣಿಂ ವೆದಿಚೆರ್ ಉಪಸ್ಥಿತ್ ಆಸ್ಲ್ಯಾ ಮಾನಾಂಚಾ ಸಯ್ರ್ಯಾಂಕ್ ಆನಿ ಜಮ್ಲೆಲ್ಯಾಂಕ್ ಸರ್ವಾಂಕ್ ಸ್ವಾಗತ್ ಕೆಲೆಂ. ಫಿರ್ಗಜ್ ವಿಗಾರ್ ಬಾಪಾಂನಿ ಪ್ರದರ್ಶನ್ ಕರ್ಚ್ಯಾ ವಾಡ್ಯಾಗಾರಾಂಕ್ ಬರೆಂ ಮಾಗೊನ್ ಕಾರ್ಯ್ಯಾಚೆರ್ ದೆವಾಚೊ ಆಶೀರ್ವಾದ್ ಮಾಗ್ಲೊ ಆನಿ ಪಯ್ಲೆಂ ಪಾವ್ಟಿ ಅಸಲೆ ಕಾರ್ಯಕ್ರಮ್ ಮಾಂಡುನ್ ಹಾಡ್ಲ್ಯಾ ಪಿ.ವೈ.ಸಿ. ಯುವಜಣಾಂಕ್ ಹೊಗ್ಳಿಕ್ ಉಚಾರ್ನ್ ಅಭಿನಂದನ್ ಪಾಠಯಿಲೆಂ. ಪಿ.ವೈ.ಸಿ. ಕಾರ್ಯದರ್ಶಿ ಪ್ರೀಮಾ ಮಿನೇಜಸ್ ಹಾಣೆಂ ಸರ್ವಾಂಚೊ ಉಪ್ಕಾರ್ ಭಾವುಡ್ನ್ ಧನ್ಯವಾದ್ ಪಾಟಯ್ಲೆಂ. ಪಿ.ವೈ.ಸಿ /ಐ.ಸಿ.ವೈ.ಎಮ್ ಸಂಘಟನಾಚಾ ಸಾಂದ್ಯಾನಿ ಸಾಂ. ಗೊನ್ಸಾಲೊ ಗಾರ್ಸಿಯಾ ಸಾಂತಾಚಿ ಜಿಣಿ ಪ್ರದರ್ಶನಾ ಮುಕಾಂತ್ರ್ ಕಾರ್ಯ್ಯಾಚೆಂ ಉದ್ಘಾಟನ್ ಚಲವ್ನ್ ವ್ಹೆಲೆಂ. ಉಪ್ರಾಂತ್ ಸಾಂಸ್ಕೃತಿಕ್ ಕಾರ್ಯದರ್ಶಿ ವಿಯೋಲಾ ಮೊರಾಸ್ ಹಾಣೆಂ ಪ್ರದರ್ಶನಾಚಿ ರೂಲಿ ವಾಚುನ್ ಸಾಂಗ್ಲಿ. ತ್ಯಾ ನಂತರ್ ವಾಡ್ಯಾವಾರ್ ಸಾಂತಾಚಿ ಜಿಣಿ ಸಾದರ್' ಸ್ಪರ್ಧೊ ಆರಂಭ್ ಕೆಲೊ. 10 ವಾಡ್ಯಾಕ್ ದಿಲ್ಲೆ ಪ್ರದರ್ಶನಕ್ ದಿಲ್ಲಿ ಸಾಂತಾಚಿ ನಾಂವಾ ಹ್ಯಾ ಪರಿಂ:
- ಕಂದಾರ್ 'ಎ' - ಮ್ಯಾಕ್ಸಿ ಮಿಲಿಯನ್ ಕೊಲ್ಬೆ
- ಕೌಡೂರ್ 'ಎ' - ಶಿಪಾಯ್ ಸಾಂತ್ ಸೆಬೆಸ್ತ್ಯಾಂವ್
- ಪೊಂಪೈ 'ಬಿ' - ಪಾದ್ವಾಚೊ ಸಾಂತ್ ಆಂತೊನ್
- ಪೊಂಪೈ 'ಎ' - ಸಾಂತ್ ಜುಜೆ ವಾಜ್
- ಕಂದಾರ್ 'ಬಿ' - ಸಾಂತ್ ಮರಿಯಾ ಗೊರೆಟ್ಟಿ
- ಕೌಡೂರ್ 'ಬಿ' - ಸಾಂತ್ ಮರಿ ಮಾಗ್ದಾಲೆನ್
- ಮಣೆಲ್ - ಸಾಂತ್ ಆಗ್ನೆಸ್
- ಗುರ್ಪುರ್ - ಕೆಥರಿನ್ ಲಾಬೊರೆ
- ಇಗರ್ಜೆ ವಾಡೊ - ಮೇರಿ ಬೊವಾರ್ಡಿ
9 ವಾಡ್ಯಾಂಚಾನಿ ಭಾಗ್ ಘೆವ್ನ್ ಭೋವ್ ಅಪುರ್ಬಾಯೆನ್ ಪ್ರದರ್ಶನ್ ಕೆಲೆಂ.ನಂತರ್ ವಿಗಾರಾನ್ ಸಾಂ.ಆಂತೊನ್ ಮ್ಹಳ್ಳೆ ಖಂತಾರ್ ಗಾವ್ನ್ ಕಾರ್ಯ್ಯಾಚಿ ಸೊಭಯ್ ಚಡೈಲಿ.ಉಪ್ರಾಂತ್ ವರಯ್ಣಾರ್ ಜಾವ್ನ್ ಹಾಜರ್ ಆಸ್ಲ್ಯಾ ಮಾ | ಬಾ | ವಿವಿಯನ್ ರೊಡ್ರಿಗಸ್ ಹಾಣಿಂ ಯುವಜಣಾಂನಿ ಮಾಂಡುನ್ ಹಾಡ್ಚಿ ಕಾರ್ಯಕ್ರಮ ಸಾಂಸ್ಕೃತಿಕ್ ಮನರಂಜನ್ ದೀಂವ್ಚಿ ಆಸ್ತಾತ್ ಪೂಣ್ ಅಸಲೆ ಧಾರ್ಮಿಕ್ ಸ್ಪರ್ಧೆ ಕರ್ಚೆ ಅಪ್ರೂಪ್ ಪೂಣ್ ಪಿ.ವೈ.ಸಿ / ಐ.ಸಿ.ವೈ.ಎಮ್ ಸಂಘಟನಾನ್ ಮಿಸಾಂವ್ ಆಯ್ತಾರಾ ಏಕ್ ವ್ಹಡ್ಲೆ ಮಿಸಾಂವ್ಚ್ ಮ್ಹಳ್ಳ್ಯಾ ಪರಿಂ ಹೊ ಸ್ಪರ್ಧೊ ಹಾಂಗಸರ್ ಆಸಾ ಕೆಲಾ ಆನಿ ಸರ್ವ್ ಪಿ.ವೈ.ಸಿ / ಐ.ಸಿ.ವೈ.ಎಮ್ ಸಾಂದ್ಯಾಕ್ ಪಾತ್ರ್ ಘೆತ್'ಲ್ಲ್ಯಾ ಸರ್ವ್ ವಾಡ್ಯಾಚಾಂಕ್ ಹೊಗ್ಳಿಕ್ ಉಚಾರ್ಲಿ. ಅನ್ಯೇಕ್ ವರಯ್ಣಾರ್ ಜಾವ್ನ್ ಹಾಜರ್ ಆಸ್ಲ್ಯಾ ಮಾ|ಬಾ| ಸ್ಟೇನಿ ಪಿಂಟೊ ಹಾಣಿಂ ಸಾಂತಾಚಾ ಜಿಣ್ಯೆಚಾ ಸಾದರ್ಪಣಾಂತ್ ಸಾಂತಾಚಿ ಜಿಣಿ ವಿಶ್ಯಾಂತ್ ಮಾಹೆತ್ ಲಾಭ್ತಾ ಹಾಚೊ ಫಳ್ ಜಾವ್ನ್ ಹರ್ಯೆಕ್ಲ್ಯಾಂನಿ ಸಾಂತಾಚಾ ಪ್ರೇರಣಾನ್ ಜಿಯೆಂವ್ಕ್ ಆನಿ ಹ್ಯಾ ಸ್ಪರ್ಧ್ಯಾ ಮುಕಾಂತ್ರ್ ಸಾಂತಾಚಿ ಜಿಣ್ಯೆಚೆಂ ಎಕ್ ನಾ ಎಕ್ ಗೂಣ್ ಆಮಿ ಜಿಯೆಂವ್ಕ್ ಪ್ರಯತ್ನ್ ಕರ್ಚೆಂ ಮ್ಹಳ್ಳೊ ಸಂದೇಶ್ ಪಾಟಯಿಲೊ. ಉಪ್ರಾಂತ್ ಮಂಗ್ಳುರ್ ದಿಯೆಸೆಜ್ ಐ.ಸಿ.ವೈ.ಎಮ್ ಕೇಂದ್ರಿಯ ಸಮಿತಿಚೆ ಖಜಾನ್ದಾರ್ ಆನಿ ಪಿ.ವೈ.ಸಿ ಸಾಂದೊ ರೀನಾ ಕ್ರಾಸ್ತಾ ಹಾಣಿಂ ತಾಚಿ ಭೊಗ್ಣಾಂ ಉಚಾರ್ನ್ ವಿಜೇತಾಂಚಿ ನಾಂವಾ ವಾಚುನ್ ಸಾಂಗ್ಲಿ. ಉಪ್ರಾಂತ್ ಸ್ವಧ್ಯಾಂತ್ ವಿಜೇತ್ ಜಾಲ್ಲ್ಯಾ ಪಂಗ್ಡಾಕ್ ಮಾನಾಂಚಾ ಸಯ್ರ್ಯಾಂನಿ ಬಹುಮಾನ್ ವಿತರಣ್ ಕೆಲೆಂ. ವಿಜೇತ್ ಜಾಲ್ಲ್ಯಾಂ ವಾಡ್ಯಾಚಿ ನಾಂವಾ ಹ್ಯಾ ಪರಿಂ:
- ಪಯ್ಲೆಂ ಇನಾಮ್ : ಗುರ್ಪುರ್ ವಾಡೊ
- ದುಸ್ರೆಂ ಇನಾಮ್ : ಇಗರ್ಜೆ ವಾಡೊ
- ತಿಸ್ರೆಂ ಇನಾಮ್ : ಕಂದಾರ್ ಎ ವಾಡೊ
- ಉತ್ತೀಮ್ ಕಾರ್ಯೆಂ ನಿರ್ವಾಹಣ್ : ವೆನಿಶಾ ಸಲ್ಡಾನಾ, ಗುರ್ಪುರ್ ವಾಡೊ
ಉಪ್ರಾಂತ್ ಮೊಂತಿ ಫೆಸ್ತಾಕ್ ಆಸಾ ಕೆಲ್ಲ್ಯಾ ಮರಿಯೆಚಿ ಇಮಾಜ್ ಸೊಭಾಯ್ - ಸ್ಪರ್ಧ್ಯಾಂತ್ ವಿಜೇತ್ ಜಾಲ್ಲ್ಯಾಂಕ್ ಮಾನಾಂಚಾ ಸಯ್ರ್ಯಾಂನಿ ಬಹುಮಾನ್ ವಿತರಣ್ ಕೆಲೆಂ:
- ಪಯ್ಲೆಂ ಇನಾಮ್ : ಜೊಸ್ಲಿನ್ ಮೊರಾಸ್, ಮಣೆಲ್
- ದುಸ್ರೆಂ ಇನಾಮ್ : ಸೈರಾ ರೂತ್ ಅದ್ರಾಂದೆ, ಮಣೆಲ್
- ತಿಸ್ರೆಂ ಇನಾಮ್ : ಹ್ಯಾನ್ಸೆಲ್ ಮಿನೇಜಸ್, ಕೌಡೂರ್ ಬಿ
ಉಪ್ರಾಂತ್ ಪಿ.ವೈ.ಸಿ ಧ್ಯೇಯ್ ಗೀತಾ ಸವೆಂ ಕಾರ್ಯೆಂ ಸಂಪೈಲೆ.ಪಿ.ವೈ.ಸಿ.ಅಧ್ಯಕ್ಷ್, ಕಾರ್ಯದರ್ಶಿ, ಸಾಂಸ್ಕೃತಿಕ್ ಕಾರ್ಯದರ್ಶಿ ಆನಿ ಸಚೇತಕ್, ಕೋರ್ ಕಮಿಟಿ ಸಾಂದೆ ಆನಿ ಸರ್ವ್ ಸಾಂದ್ಯಾಚಾ ಸಹಕರಾನ್ ಆನಿ ವಾಡ್ಯಗಾರಾಂಚಾ ಭೋವ್ ಅಪುರ್ಬಾಯೆಚಾ ಪ್ರದರ್ಶನ ಸವೆಂ ಸಾಂತಾಚಿ ಜಿಣಿ ಸಾದರ್ ಸ್ಪರ್ಧೊ ಯಶಸ್ವಿ ಜಾಲೊ.ಪಿ.ವೈ.ಸಿ.ಸಾಂದೊ ಲೆತಿಶಾ ಲೋಬೊ ಹಾಣೆಂ ಭೋವ್ ಅಪುರ್ಬಾಯೆನ್ ಕಾರ್ಯೆಂ ನಿರ್ವಾಹಣ್ ಚಲವ್ನ್ ವ್ಹೆಲೆಂ.ಪಿ.ವೈ.ಸಿ ಸಾಂದೊ ಶೋನ್ ಫೆರ್ನಾಂಡಿಸ್, ದೀಪಕ್ ಡಿಸೋಜ, ರೋಯ್ಸ್ಟನ್ ಡಿಕುನ್ಹಾ ಹಾಣಿಂ ಛಾಯಾಗ್ರಹಣ್ ಆನಿ ವಿಡಿಯೋ ಗ್ರಾಫಿ ಕರ್ನ್ ಸಹಕರ್ಸಿಲೆಂ. ಲಗ್ಬಗ್ 550 ಫಿರ್ಗಜ್ ಗಾರಾಂ ಹಾಜರ್ ಆಸ್ಲಿಂ.