ಕಂದಾರ್ ಎ ವಾಡ್ಯಾಚೆಂ ಯಾತ್ರಿಕ್ ಪಯ್ಣ್

ಮೊಂತಿ ಮಾಯೆಕ್ ಸಮರ್ಪಿಲ್ಲ್ಯಾ ಕಂದಾರ್ ಎ ವಾಡ್ಯಾಚೆಂ ಯಾತ್ರಿಕ್ ಪಯ್ಣ್ ಮೇ ಮಹಿನಾಚ್ಯಾ18 ತಾರಿಕೆರ್ ಸಕಾಳಿಂಚಾ ಮೀಸಾ ಉಪ್ರಾಂತ್ ಕಾಫಿ ಫಳ್ಹಾರ್ ಸೆವ್ನ್ ಬಸ್ಸಾರ್ ಚಡ್ಲ್ಯಾoವ್. ವಾಡ್ಯಾಚೊ ಗುರ್ಕಾರ್ ಶ್ರೀ ರಾಜೇಶ್ ನೊರೊನ್ಹಾನ್ ಜಮ್ಲೆಲ್ಯಾ ಸರ್ವಾಂಕ್ ಸ್ವಾಗತ್ ಕೆಲೊ. ಮಾಗ್ಣೆಂ ಕರ್ನ್ ಪಯ್ಣ್ ಸುರ್ವಾತ್ಲೆಂ. ಸುರ್ವೆರ್ ಮುಡಿಪು ಪಾವುನ್ ಭಾಗೆವಂತ್ ಸಾಂ. ಜುಜೆ ವಾಜ್ ನಮಾನ್ ಕರ್ನ್ ಮಾಗ್ಣಿಂ ಭೆಟೆಯ್ಲಿo. ಉಪ್ರಾಂತ್ ಇಗರ್ಜೆಕ್ ಭೆಟ್ ಕೆಲಿ. ಬಾಪ್ ಅಸಿಸ್ ರೆಬೆಲ್ಲೋ ಆನಿ ಆಮ್ಚ್ಯಾ ವಾಡ್ಯಾಚೆಂ ವಿಗಾರ್ ಬಾಪ್ ಸಂತೋಷ್ ಮಿನೇಜಸ್ ಹಾಣಿ ಆಮ್ಕಾಂ ಮೊಗಾನ್ ಸ್ವಾಗತ್ ಕೆಲೊ. ಥಂಯ್ಸರ್ ಆಸ್ಚ್ಯಾ ಇಗರ್ಜೆಚ್ಯಾ ಹಾಲಾಂತ್ ಖೆಳ್ ಖೆಳೊಂಕ್ ಆವ್ಕಾಸ್ ಕರ್ನ್ ದಿಲೊ. ಶ್ರೀಮತಿ ರೂಪ ನೊರೊನ್ಹಾ ಆನಿ ಕು| ರೇಷ್ಮಾ ಸೀಕ್ವೆರಾ ಹಾಣಿಂ ತೀನ್ ಗ್ರೂಪ್ ಕರ್ನ್ ಮಜೆದಾರ್ ಖೆಳ್ ಖೆಳೆಯ್ಲೆಂ. ಬಾಪ್ ಸಂತೋಷ್ ಹಾಣಿ ಸರ್ವಾಂಕ್ ಥಂಡ್ ಪೀವನ್ ಆನಿ ಫಳ್ ವಸ್ತು ದೀವ್ನ್ ಧಾದೊಶಿಂ ಕೆಲೆಂ. ಜೆವಾಣ್ ಜಾವ್ನ್ ಬೋಂದೆಲ್ ಸಾಂತ್ ಲಾರೆನ್ಸ್'ಚಾ ಪೂನ್ ಶೆತಾಕ್ ಭೆಟ್ ದಿಲಿ. ಥಂಯ್ ಮಾಗ್ಣೆಂ ಕರ್ನ್ ಆಮಿ ಪಣಂಬೂರು ದರ್ಯಾ ತಡಿಕ್ ಪಾವ್ಲ್ಯಾoವ್. ಥೊಡೊ ವೇಳ್ ಉದ್ಕಾಂತ್ ಖೆಳೊನ್ ಪಾಟಿಂ ಭಾಯ್ರ್ ಸರ್ಲ್ಯಾಂವ್. ಪದಾಂ ಪೊಕಣಾಂ ಗಾವೊನ್ ಖುಶಾಲ್ಗಾಯೆನ್ ದೀಸ್ ಖರ್ಚಿಲೊಂ. ಸಹಕಾರ್ ದಿಲ್ಲ್ಯಾ ಸರ್ವಾಂಚೊ ಗುರ್ಕಾರಾನ್ ಉಪ್ಕಾರ್ ಭಾವುಡ್ಲೊಂ. ಸೊಮ್ಯಾಕ್ ಧಿನ್ವಾಸೋನ್ ಆಮಿ ಆಮ್ಚ್ಯಾ ಘರಾ ಪಾಟಿಂ ಪಾವ್ಲ್ಯಾಂವ್.